വ്യത്യസ്തമായ വീക്ഷണമുള്ളവര്ക്ക് എങ്ങിനെ സൌഹാര്ദ്ധപരമായും സഹിഷ്ണുതയോടെയും ആശയ സംവാദം നടത്താം എന്നതിന്റെ നല്ല മാതൃകയായി ഞാനും , അബ്ദുല് അലിയും ജബ്ബാര് മാഷിന്റെ യുക്തിവാദം ബ്ലോഗില് നടത്തിയ ചര്ച്ച . യുക്തിവാദം എന്ന് കേട്ടാല് ബ്ലോഗ്ഗേര്സിനും അലര്ജിയായതിനാല് ഈ ചര്ച്ചയില് ബ്ലോഗ്ഗര്മാരാരും പങ്കെടുത്തില്ല . കമന്റ് എഴുതുക എന്നാല് പരസ്പരം പുറം ചൊറിഞ്ഞ് സുയിപ്പിക്കുക,സുയിക്കുക എന്നാണ് ഭൂരിപക്ഷം മലയാളം ബ്ലോഗ്ഗേര്സും ധരിച്ചു വെച്ചിരിക്കുന്നത്. ഇത്തരം ഗൌരവമുള്ള ചര്ച്ചകള് അവഗണിക്കുകയും എന്നിട്ട് നാളെ ബ്ലോഗ് , പ്രിന്റ് മീഡിയയെ കടത്തിവെട്ടും എന്ന് അഹങ്കരിക്കുകയും ചെയ്യുന്നു .
സംവാദം ഇങ്ങിനെ പര്യവസാനത്തിലെത്തുന്നു :
അബ്ദുല് അലി : കെപി മാഷെ, സത്യം ! മതങ്ങള് തമ്മിലുള്ള വൈര്യം തിര്ന്നാല് തന്നെ ലോകം സമധാനപൂര്ണമാവും. പക്ഷേ, കുണുപോലെ മുളച്ച് പൊങ്ങുന്ന യതീംഖനകളും, മാസംതോറും പാവപ്പെട്ടവന്റെ കഴുത്തിന് കുത്തിപിടിച്ച് പിഴിഞ്ഞെടുക്കുന്ന വരിസംഖ്യയും മാത്രമാണ് ഇസ്ലാം എന്നാണ് ഇന്നും അധികം മോല്യന്മാരുടെയും വിശ്വാസം.മതപരമായ സംശയങ്ങള്ക്ക് ഒരേ ഒരുത്തരം മാത്രമേ ഇവരുടെ കൈയിലുള്ളൂ. എല്ലാം അല്ലാഹുവിന്റെ കഴിവാണ്. അത് പക്ഷേ ഇന്നത്തെ ചുറ്റുപാടില്നിന്ന് ഭൗതികജ്ഞാനം കൂടി അര്ജിച്ച ശേഷമായിരുന്നെങ്കില് എത്ര നന്നയേനെ.
ശബരിമലയിലെ അയ്യപ്പന് പറയുന്നതും "ഏല്ലാം ഇശ്വര കല്പ്പിതമാണ്. ഈശ്വരന് തൃകാല ജ്ഞാനിയാണ്" എന്നല്ലെ. എല്ലാം ഇശ്വരനില് അര്പ്പിക്കനല്ലെ ഉപദേശിക്കുന്നത്.ഇടുങ്ങിയ ചിന്തഗതിയുപേക്ഷിച്ച്, എല്ലാം പരസ്പരം പങ്ക്വെച്ച് യാതാര്ഥ്യം അന്വേഷിക്കുവാന് നമ്മുക്ക് കഴിയാത്തിടത്തോളം, മതങ്ങള് വോട്ട് ബാങ്ക് മാത്രവും, രാമനു, കൃഷ്ണനും, നബിയും, യേശുവും എല്ലാം വരും തലമുറക്ക് പരിഹാസ കഥപത്രങ്ങള് മാത്രമാവും എന്നതില് ആശേഷം സംശയല്യ ....
ഞാന് : പ്രിയപ്പെട്ട അബ്ദുല് അലീ , വളരെ വളരെ നന്ദിയും സ്നേഹവുമുണ്ട് ,നമ്മുടെ സംവാദം ഇങ്ങിനെ സൌഹാര്ദ്ദപൂര്വ്വമായതിന് .അപ്പോള് അതാണ് പ്രശ്നം . വിശ്വാസം അന്ധമായി മുറുകെ പിടിക്കുന്നു . ഭൌതിക ജ്ഞാനത്തെ അവഗണിക്കുന്നു .
ഈ അന്ധമായ വിശ്വാസത്തെ ലോകത്തെങ്ങും എല്ലാ മതങ്ങളിലുമുള്ള പൌരോഹിത്യ വര്ഗ്ഗം മാത്രമല്ല ചൂഷണം ചെയ്യുന്നത് ; എന്തിനേയും അന്ധമായി വിശ്വസിക്കാനുള്ള മനുഷ്യവാസനയെ എല്ലാ രാഷ്ട്രീയപ്പാര്ട്ടികളികളിലേയും സംഘടനകളിലേയും നേതൃവര്ഗ്ഗം കൂടിയാണ് . ഈ ചൂഷണങ്ങളേയും അന്ധമായ വിശ്വാസങ്ങളെയും എതിര്ക്കാതെ ഒരു മനുഷ്യസ്നേഹിക്ക് മുന്നോട്ട് പോകാന് കഴിയില്ല . അങ്ങിനെയുള്ള മനുഷ്യസ്നേഹികളെ യുക്തിവാദി എന്ന് വിളിക്കണമെന്ന് നിര്ബ്ബന്ധമില്ല .
No comments:
Post a Comment