2007-11-07

പ്രത്യയശാസ്ത്രങ്ങള്‍ മാറ്റുക

ഇടത് പക്ഷം ഇത് വരെയായി എന്തിനെയെങ്കിലും ഇവിടെ എതിര്‍ക്കാതിരുന്നിട്ടുണ്ടോ ? ആ എതിര്‍പ്പുകള്‍ ക്രീയാത്മകമായിരുന്നില്ല . എതിര്‍പ്പിന് വേണ്ടിയുള്ള എതിര്‍പ്പുകളാണെല്ലാം. കൃത്യമായി പറഞ്ഞാല്‍ പ്രത്യയശാസ്ത്ര എതിര്‍പ്പുകളാണവയൊക്കെ . ഇവിടെഎന്ത് നടന്നാലും തെറ്റായ സാമ്പത്തിക നയം കൊണ്ടാണ് അത് ഉണ്ടായത് എന്ന സ്ഥിരം പല്ലവിയുണ്ടല്ലോ . എന്താണ് ഇവിടത്തെ സാമ്പത്തികനയത്തിന്റെ തെറ്റ് ? അത് കമ്മ്യൂണിസ്റ്റ് തിയറിയില്‍ പറയുമ്പോലെ എല്ലാം സര്‍ക്കാര്‍ ഉടമയിലല്ല ഇവിടെ. അത് തന്നെ തെറ്റ് . എന്നാല്‍ ഇപ്പോള്‍ ആ പല്ലവി ആവര്‍ത്തിക്കുന്നത് കാണുന്നില്ല . കാരണം ചൈനയിലും സ്വകാര്യസ്വത്തവകാശം ഇപ്പോള്‍ നിയമവിധേയമാക്കി . ആണവക്കരാറിന്റെ കാര്യത്തില്‍ മാത്രമല്ല അമേരിക്കയുമായുള്ള ഏതിടപാടിനും ഇവിടത്തെ ഇടത് പക്ഷം എതിരാണ് . അതും കാലഹരണപ്പെട്ട പ്രത്യയശാസ്ത്രത്തിന്റെ പേരിലാണ് . അമേരിക്കന്‍ വിരോധം തന്നെ ഈ പറഞ്ഞ ഇസത്തിന്റെ പേരിലാണ് .ഇതിന് ഒരു വിശ്വാസ്യത വരുത്താനാണ് അതിശയോക്തികലര്‍ന്ന രജ്യസ്നേഹത്തിന്റെ മേമ്പൊടി ചേര്‍ക്കുന്നത് . ഔദ്യോഗിക ഇടത് പക്ഷമൊഴിച്ച് അരും തന്നെ ഇന്ത്യയില്‍ അമേരിക്കന്‍ വിരുദ്ധരല്ല എന്ന സത്യം മനസ്സിലാക്കുക . ഇടത് പക്ഷം സദാ ഓര്‍മ്മപ്പെടുത്തുന്ന പാവനമായ വിദേശനയമില്ലേ . അതും ശീതസമരകാലം കഴിഞ്ഞതോടെ കാലഹരണപ്പെട്ടു . ജനാധിപത്യ രാജ്യങ്ങളെന്ന നിലയില്‍ ഇനി ഇന്ത്യക്ക് സ്വാഭാവിക മിത്രങ്ങള്‍ റഷ്യയും അമേരിക്കയുമാണ് . നമ്മുടെ രാജ്യം വിശ്വസിക്കാന്‍ കഴിയാത്ത അയല്‍ രാജ്യങ്ങളുമായി വലയം ചെയ്യപ്പെട്ടുകിടക്കുന്നു. പ്രത്യേകിച്ചും ആണവശക്തികളായ ചൈനയും പാക്കിസ്ഥാനും . ഇന്ത്യയില്‍ ആര് ഭരിച്ചാലും അമേരിക്കയുമായി ബന്ധം സ്ഥാപിക്കേണ്ടി വരും . ആണവക്കരാറില്‍ ചര്‍ച്ച വേണ്ടെന്ന് ആരും പറയുന്നില്ല .പക്ഷെ ആരോഗ്യകരമായ ഒരു ചര്‍ച്ച അസാധ്യമാക്കിയത് ബി.ജെ.പി. ആയിരുന്നു . അവര്‍ വെള്ളം കലക്കി മീന്‍ പിടിക്കാമെന്ന് കരുതി . എന്നാല്‍ ഇപ്പോള്‍ ചര്‍ച്ചക്കുള്ള അന്തരീക്ഷം തെളിഞ്ഞ് വരുന്നുണ്ട് . ഞാന്‍ ഈ വിഷയത്തെ കുറിച്ച് വളരെ പറഞ്ഞു കഴിഞ്ഞതിനാല്‍ കൂടുതല്‍ വിസ്തരിക്കുന്നില്ല . മാര്‍ക്സിസ്റ്റുകാര്‍ അവരുടെ കാലഹരണപ്പെട്ട പ്രത്യയശാസ്ത്രത്തിന്റെ കണ്ണട മാറ്റി വെച്ച് വസ്തുതകളെ വസ്തുനിഷ്ടമായി അപഗ്രഥിക്കാന്‍ ശ്രമിച്ചാലേ കാര്യങ്ങള്‍ അതിന്റെ ശരിയായ അര്‍ത്ഥത്തില്‍ അവര്‍ക്ക് കാണാന്‍ കഴിയൂ . അതിനവര്‍ തുനിയുമെന്ന് പറഞ്ഞുകൂട . എന്നാല്‍ അവര്‍ ഇനിയും ധാരാളമായി മാറും . ഇപ്പോള്‍ കോണ്‍ഗ്രസ്സിനെ പിന്‍‌തുണക്കേണ്ടി വന്നില്ലേ . ഇന്ത്യയുടെ ഭാവി വിപത്ത് കമ്മ്യൂണിസ്റ്റുകാരല്ല . വര്‍ഗ്ഗീയ ശക്തികളാണ് . അപ്പോള്‍ ഇടത് പക്ഷത്തിന് സ്വാഭാവികമായും കോണ്‍ഗ്രസ്സിന്റെ സഖ്യകക്ഷി ആകേണ്ടിവരും . അങ്ങിനെ വന്നാല്‍ ഇടത് പക്ഷം ഈ മുടിഞ്ഞ പ്രത്യയശാസ്ത്രം ഒന്ന് പരിഷ്കരിക്കാന്‍ തയ്യാറാവുമെങ്കില്‍ അത് ഇന്ത്യയ്ക്ക് പൊതുവേയും കേരളത്തിനും ബംഗാളിനും വിശേഷിച്ചും വളരെ ഗുണകരമായിരിക്കും എന്നതില്‍ സംശയമില്ല .മാര്‍ക്സിസ്റ്റുകാര്‍ മാറാന്‍ തയ്യാറല്ലെങ്കില്‍ കാലം അവരെ മാറ്റും തീര്‍ച്ച !!

2 comments:

മുക്കുവന്‍ said...

KP, thats a good wish. but it will never happen. for fullfilling your wish the leader's of LDF has to pass second grade.

here LDF is fighting every new changes. they opposed for computerization. 20 years later realized that no we should change it. the point of time, great VS and Pinarayi send their kids for computer education in privatised colleages.

SFI/DYFI did strike and screwed the education for the poor people and they do the strike now with different reasons.

from a old proverb:

appaappanu kattila patiyilam appiyidam :)

LDF act as grandpa and they are shitting everywhere. thats what the problem.

വേണാടന്‍ said...

ഇന്ത്യന്‍ കമ്മ്യൂണിസ്റ്റുകള്‍ ഇന്നലെയും ഇന്നും നാളെയും ഇനി വരും നാളുകളിലും കാല്‍ഹരണപ്പെട്ട അപ്രാപ്യമായ പ്രത്യയ ശാസ്ത്രത്തില്‍ തന്നെ ആയിരിക്കും മുറുകെപിടിക്കുക. മരിച്ച ചിന്തകളും ചീഞ്ഞൂനാറിയ ന്യായങ്ങളും ആയി അവര്‍ കുറെക്കാലം കൂടി നമ്മുടെ ഇടയില്‍ കാണും.
സമരം നടത്താത്ത കാമ്യൂണിസ്റ്റകളെ എന്നു കാണാന്‍ പറ്റും... നടക്കാത്ത സ്വപ്നങ്ങള്‍ക്കൊപ്പം ഒന്നു കൂടി...